Inauguration of New Office Building - Norzagaray Branch

Naging matagumpay ang pagpapasinaya ng bagong opisina ng Manatal Coop Norzagaray Branch noong ika-22 ng Hulyo 2015. Nilahukan ito ng mga kawani ng Manatal Coop (main branch) at mga empleyado mula sa Manatal Coop Norzagaray Branch sa pangunguna ni G. Benjamin Feliciano ang Branch Manager ng Norzagaray Branch

at ng kanyang may-bahay na si Gng. Ma. Cristina ang OIC ng Manatal Coop Main Branch kasama ang mga miyembro ng Board of Directors na pangunguna ni Chairperson Eric F. Dizon at iba pang bahagi ng Board at mga Committee. Nag-umpisa ang palatuntunan sa isang motorcade na nagsimula sa Norzagaray Branch papuntang San Jose Del Monte, Sapang Palay Proper at pabalik sa Norzagaray.

Ang nasabing motorcade ay dinaluhan ng ilan sa mga pinagpipitagang Miyembro ng Norzagaray Branch at ilang opisyal ng pamahalaang lokal mula sa Norzagaray at mga bayang nabanggit. Dumating din ang isa sa mga panauhing pandangal na si Kgg. Mayor Alfredo Germar. Lumahok din sa naganap na Inauguration ang ilang delegado at mga manager ng ilan sa mga bangko at mga koop na malapit sa Manatal Coop Norzagaray Branch. Nagbigay din ng mensahe sina G. Benjamin Feliciano (Manatal Coop - Norzagaray Branch), Chairperson Eric F. Dizon at Kapitana Luzviminda Espiritu, isa sa mga butihing miyembro ng Manatal Coop Norzagaray Branch.