Officer & Staff's Outing 2016

Officer & Staff's Outing 2016. Bilang pahabol sa tag-init, ang mga opisyal, tagapamahala at mga empleyado ng MANATAL COOP ay nagsama-sama para sa kanilang Officers and Staff Outing na ginanap sa Morong, Bataan noong ika-3 ng Hunyo. Bago umalis papunta sa venue ay sama-samang nag-almusal ang lahat.

Ika-7 ng umaga nagsimulang bumiyahe ang mga sasakyan kung saan nakasakay ang mga opisyal at kawanihan ng MANATAL COOP. Bago dumating ang tanghali ay nasa Coral View Resorts na ang lahat.

Sabay-sabay din na kumaen ng tanghalian ang lahat. Matapos ang tanghalian ay kanya- kanya ng nagsipuntahan sa kanilang mga kwarto ang iba sa mga sumama, ang ilan ay naglaro sa recreational activities na ibinibigay ng Coral View Resort, ang iba naman ay nilibot ang lugar at ang dalampasigan, naligo sa mga pool at sa dagat at ang iba ay lumahok sa palarong inihanda ni Sir Jemuel Feliciano (HR HEAD).
Sa hapunan, muling nagsama-sama ang lahat para sabay-sabay na kumaen.

Sa ikalawang araw, patuloy ang kasiyahan ng mga opisyal at empleyado. Sinulit ng mga sumama ang dalawang araw na pahinga. Bago magtanghali ay bumiyahe na ang mga kasama sa OUTING pauwi sa Bulacan subalit dumaan muna ng Subic upang doon ay kumain ng tanghalian at bumili ng pasalubong.

Malaking pasasalamat ang makikita sa mga sumama sa ginanap na outing. Ang dalawang araw na pahingang iyon ay sadyang kasiya-siyang ibinahagi ng isa't-isa sa kanilang kapwa.